Taqdimotda Samarqand viloyati hokimi o‘rinbosari Husan To‘xtayev, Sharof Rashidov nomidagi Samarqand davlat universiteti rektori, Oliy Majlis Senati a’zosi Rustam Xolmurodov, Alisher Navoiy nomidagi Toshkent davlat o‘zbek tili va adabiyoti universiteti professori Qozoqboy Yo‘ldoshev, «Ishonch» va «Ishonch-Doveriye» gazetalari tahririyati bosh muharriri, Oliy Majlis Senati a’zosi Husan Ermatov va boshqalar so‘zga chiqdi.

– «Yuksalish simfoniyasi» hurmatli Prezidentimizning xalqparvar, inson qadrini ulug‘lashga qaratilgan siyosati samarasida o‘zgarayotgan shahar va qishloqlarimiz, ulkan bunyodkorlik ishlari va xalqimiz ongu tafakkuri, dunyoqarashidagi o‘sish haqida hikoya qiladi, – dedi Samarqand davlat universiteti rektori, professor Rustam Xolmurodov.