Yangi o‘quv yili boshlandi

O‘zb Ўзб Рус Eng

Samarqand viloyati hokimligi
rasmiy veb-sayti

w w w . s a m a r k a n d . u z

Chop etish

Yangi o‘quv yili boshlandi

Bugundan barcha maktablarda birinchi qo‘ng‘iroq sadolari yangrab, yangi o‘quv yili boshlandi.

Viloyat hokimi vazifasini bajaruvchi Adiz Boboyev Samarqand shahridagi 43-maktabda “Vatan uchun, millat uchun, xalq uchun!” shiori ostida bo‘lib o‘tgan "Birinchi qo‘ng‘iroq" tadbirida qatnashdi.

Viloyat rahbari maktab o‘quvchilariga yangi o‘quv yilida muvaffaqiyat tiladi. Ularning o‘qib-izlanib, til o‘rganib, kelgusida malakali mutaxassislar bo‘lib yetishishlariga ishonch bildirdi.

Shuningdek, ta’lim sifatini yangi bosqichga olib chiqish, farzandlar ta’lim-tarbiyasida ota-otalar rolini oshirish bo‘yicha fikrlarini bildirdi.

Maʼlumot o‘rnida aytish kerakki, yangi o‘quv yilida viloyatimizdagi 1272 ta umumta’lim maktablari va 46 ta nodavlat ta’lim muassasalarining 1-sinfiga 91 740 nafar o‘quvchi qabul qilinmoqda.

Ushbu maktab ostonasiga ilk bor qadam bosgan 140 nafar bolajonlarga 12 turdagi o‘quv qurollari, maktab sumkasi, darsliklar majmuasidan iborat "Prezident sovg‘asi" topshirildi.