- Samarqandning har bir toshi, har bir naqshi shaharning betakror tarixi haqida so‘zlaydi. Buyuk ipak yo‘lining chorrahasida joylashgan Samarqand turli millat vakillari tinchlik va hamjihatlikda yashaydigan maskanga aylangan. Sayyohlar samarqandliklarning mehmondo‘stligi va samimiyligi haqida ko‘p gapiradilar va aynan shu jihat ularni yana va yana bu yerga qaytib kelishga undaydi, – dedi mehmonlar viloyat rahbari bilan uchrashuvda.

Viloyat hokimi vazifasini bajaruvchi Adiz Boboyev ijtimoiy-iqtisodiy islohotlarni amalga oshirish, turizm infratuzilmasini rivojlantirish borasida amalga oshirilayotgan ishlar haqida ma’lumotlar berdi. Shuningdek, hududda aholi va mehmonlar uchun munosib sharoitlar yaratish yo‘lida keng ko‘lamli ishlar olib borilayoganini ta’kidladi.

Uchrashuvda turizm sohasini yanada rivojlantirish istiqbollari muhokama etildi. Maslahat kengashi a’zolari bu yo‘nalishda o‘z yordamlarini taklif qildilar.

Adiz Boboyev ilm-fan va ta’lim sohasidagi yaqin hamkorlikning muhimligini, shuningdek, Yevropa mamlakatlari tajribasidan foydalanish Samarqandda nafaqat turizm, balki iqtisodiyotning boshqa yo‘nalishlarini ham rivojlantirishga xizmat qilishini ta’kidladi.

Uchrashuvda tomonlar o‘zaro hamkorlik aloqalarini rivojlantirish va mustahkamlashga kelishib oldilar.