Uchrashuvda investor viloyatda amalga oshirilayotgan investitsiya loyihalari haqida ma’lumot berdi.

Jumladan, Bulung‘ur tumanidagi G’ubdin massivida Ali Baklan ketchup va souslar ishlab chiqarish loyihasini amalga oshirishga kirishmoqda. Ayni paytda Turkiya Respublikasidan uskunalar olib kelish va o‘rnatish ishlari yakuniga yetkazilgan. Korxona joriy yilning iyul oyida ishga tushirilishi rejalashtirilmoqda. Ushbu loyiha amalga oshirilishi natijasida yiliga 1000 tonnagacha sabzavot mahsulotlari qayta ishlanib, 500,0 ming AQSH dollari miqdoridagi mahsulot eksport qilinadi va 30 ta yangi ish oʻrni yaratiladi.

Uchrashuvda Ali Baklan viloyat rahbaridan gaz tarmog‘iga ulanish uchun ruxsat olishda yordam berilishini so‘radi. Adiz Boboyev ushbu masalani hal etish uchun zarur choralarni ko‘rish bo‘yicha mutasaddilarga tegishli topshiriqlar berdi.

Ayni paytda Bulung‘ur tumanida ishlab chiqarishni yo‘lga qo‘yishga tayyorgarlik ko‘rish bo‘yicha amaliy ishlar olib borilmoqda.