Samarqand viloyati hokimi vazifasini bajaruvchi Adiz Boboyev Urgut tumanidagi Sariqtepa massivida joylashgan  "Sam Elektro Servis" MCHJ ishlab chiqarish korxonasida tadbirkorlar bilan uchrashuv o‘tkazdi. 

Unda tadbirkorlik subyektlari vakillari investitsiyalar jalb qilish, ishlab chiqarishni kengaytirish, kredit mablag‘lari ajratilishi, zamonaviy asbob-uskunalar olib kirilishida imkoniyatlar yaratilishi, eksport salohiyatini oshirish, ishlab chiqarishni rivojlantirishda duch kelayotgan ayrim muammoli masalalari yuzasidan murojaat qildilar.

Ochiq va samimiy muloqot tarzida o‘tgan mazkur uchrashuvda tadbirkorlar tomonidan bildirilgan barcha taklif va masalalarni bartaraf etish yuzasidan masʼullarga topshiriqlar berildi.