Teatr mavsumining ochilishi munosabati bilan tashkil etilgan mazkur tadbirda jamoatchilik vakillari,  turizm va sayyohlik yo‘nalishida faoliyat ko‘rsatib kelayotgan firmalar  mas’ullari ishtirok etishdi.

Unda viloyatimiz san’at ustalari o‘z mahoratini namoyish etdilar. Orkestr ijrosida mumtoz shoirlar - Alisher Navoiy, Bobur, Umar Hayyom va boshqa ijodkorlar asarlari asosida yaratilgan musiqiy taronalar taqdim etildi.

Simfonik orkestr va milliy musiqa taqdimoti har kuni belgilangan vaqtlarda Samarqandga tashrif buyuradigan sayyohlar va milliy musiqa san’ati ixlosmandlari uchun ikki marta namoyish etiladi.

Bu esa turizmni yanada rivojlantirishda yangi imkoniyatlarni ishga solish, yurtimizga keladigan sayyohlarda mumtoz musiqa san’atiga qiziqish uyg‘otishga xizmat qiladi.