Viloyat hokimi Adiz Boboyev qor yog‘ishi natidasida yo‘llarda yuzaga kelgan holatlarni o‘rgandi.

Yo‘l infratuzilmasi holatini ko‘zdan kechirish davomida markaziy magistral yo‘llar, shuningdek,  aholi punktlarini bog‘lab turuvchi ikkinchi darajali yo‘llar ham qamrab olindi.

Viloyat rahbari mas’ullarga ikkinchi darajali yo‘llarda qor tozalash texnikalari sonini ko‘paytirish, muzga qarshi erituvchi qum va tuzlarni uzluksiz yetkazib berishni ta’minlash hamda yo‘llardagi vaziyatni sutka davomida uzluksiz monitoring qilishni tashkil etish topshiriqlarini berdi.