Viloyatdagi tadbirkorlik subyektlarining muammolarini o‘rganish maqsadida tashkil etilgan mazkur muloqotda

Samarqand viloyati hokimi vazifasini bajaruvchi Adiz Boboyev va O‘zbekiston mahallalari uyushmasi raisi Qahramon Quronboyev ishtirok etdi.

Muloqot davomida  tadbirkorlik subyektlari bank kreditlari va subsidiyalar ajratilishi, soliq imtiyozlaridan foydalanish, startap g‘oyalarini joriy qilish, mehmonxona binosi uchun ruxsatnoma olish, tabiiy gaz tarmog‘iga ulanish, mahsulot eksportini amalga oshirish bilan bog‘liq masalalar yuzasidan amaliy yordam so‘rab murojaat qilishdi.

Umuman, muloqotda ishlab chiqarish,  turizm, qishloq xo‘jaligi, xususiy tibbiyot va boshqa sohalardagi tadbirkorlik faoliyati bilan bog‘liq muammo va takliflar tinglanib, ularning aksariyati joyida hal etildi. Shu bilan birga, qo‘shimcha o‘rganish va vaqt talab qiladigan ayrim masalalarning yechimi uchun muddatlar belgilandi.