E’tiboringizga ularning har biri haqida qisqacha ma’lumot taqdim etamiz.

Rahmat Qobulov. 1926-yilning 2-mayida Kattaqo‘rg‘on tumani Bog‘ot mahallasida tug‘ilgan. 1943-yilda 1-Ukraina frontiga jo‘natilgan. 1945-yilda bo‘lim komandiri darajasiga erishgan. 1945-1950-yillarda Avstriyaning Vena shahrida xizmat qilgan. 1950-yilda O‘zbekistonga qaytib kelib, 1985-yilgacha jamoa xo‘jaligida ishlagan.

Umr yo‘ldoshi Muyassar Rustamova bilan 10 nafar farzandni voyaga yetkazgan.

***

Rayim Yusupov. 1925-yilning 10-mayida Kattaqo‘rg‘on tumani Tarnov mahallasida tug‘ilgan. 1943-yilda harbiy tayyorgarlikdan o‘tkazilib, 2-Ukraina frontiga yuborilgan. 1945-1949-yillarda Ruminiyaning Faksan shahrida urushdan keyingi tinchlikni ta’minlash xizmatida ishtirok etgan. 1949-yilda Kattaqo‘rg‘onga qaytib kelgan.

Rayim Yusupov turmush o‘rtog‘i Ochiltosh Pirboyeva bilan 7 nafar farzandni voyaga yetkazgan.

***

Ahad Ochilov. 1925-yilning 10-martida Samarqand tumanidagi Arabxona mahallasida tug‘ilgan. 1942-yilda urushga ketgan. 2-Ukraina frontida Dnepr daryosi, Moldaviya, Karpat tog‘i, Ruminiya, Vengriya, Chexoslavakiya, Polsha, Germaniyaning Berlin shahridagi janglarda qatnashgan.

1949-yildan 2006-yilgacha Samarqand tumanidagi 3-o‘rta maktabda o‘qituvchi, ilmiy bo‘lim mudiri lavozimlarida ishlagan.

Umr yo‘ldoshi Zubayda Ochilova bilan uch o‘g‘il, uch qizni kamolga yetkazgan.

***

Bo‘ron Gadoyev. 1925-yilda Urgut tumani Ispanza mahallasida tug‘ilgan. Urushga 1943-yilda 18-yoshida yuborilgan. 7-Belorussiya frontida xizmat qilgan. 3 yil davomida 91-injenerlik qo‘shinida bo‘lim boshlig‘i bo‘lgan.

1946-yilda xizmatdan qaytib, hayotini pedagogika sohasiga bag‘ishlagan. 5 nafar farzandni voyaga yetkazgan. Hozirda 21 nafar nevara, 66 nafar evara va 3 nafar chevaraning suyukli bobosi.

***

Mixail Kolmogorov. 1925-yilning 20-noyabrida Rossiyaning Novosibirsk shahrida dunyoga kelgan. Maktabni tugatishi bilan, 1943-yilning noyabr oyida 17 yoshida urushga safarbar qilingan. 2-Ukraina frontining 8-mexanizatsiyalashgan korpusi 68-mexanizatsiyalashgan brigadasida aloqachi bo‘lib harbiy xizmatni boshlagan. Keyin 2-Belorussiya frontida shu vazifada xizmat qilgan. Urushdan keyingi yillarda Samarqandga ko‘chib kelgan. Keyinchalik Samarqand davlat universiteti harbiy kafedrasida ishlagan.

Ikki qizning otasi, to‘rt nafar nabira, 2 nafar evara va 5 nafar chevaraning bobosi.