Unda axborot texnologiyalari, startap loyihalar, tadbirkorlik, madaniyat va kitobxonlik sohalarida qator amaliy tashabbuslar namoyish etildi.

Marafon davomida samarqandlik yoshlar o‘z tajribalari bilan o‘rtoqlashib, dolzarb masalalar bo‘yicha aniq takliflar va yangi g‘oyalarni ilgari surdilar. Bu esa yoshlarning jamiyatdagi faol ishtirokini yanada mustahkamlashga xizmat qildi.

Marafon yakunida Samarqand shahridagi Qorasuv maskanida konsert dasturi tashkil etildi. Unda viloyat hokimi Adiz Boboyev, O‘zbekiston Yoshlar ishlari agentligi direktori Alisher Saʼdullayev, Respublika Maʼnaviyat va maʼrifat markazi rahbari Otabek Hasanovlar so‘zga chiqib, bugungi kunda yurtimizda yoshlar uchun yaratilayotgan imkoniyatlar haqida to‘xtalib o‘tdilar hamda barcha yoshlarga omad va muvaffaqiyatlar tilashdi.

Shuningdek, faol yoshlar, ular bilan ishlovchi tashkilot va muassasalar rahbarlari, oliy o‘quv yurtlari rektorlari turli nominatsiyalar bo‘yicha taqdirlandilar.

Gala-konsert dasturida Vatan va yoshlikni tarannum etuvchi qo‘shiqlar ijro etilib, tadbir ko‘tarinki ruhda yakunlandi.