w w w . s a m a r k a n d . u z
Samarqandda turizm istiqbollari muhokama qilindi
Samarqandda turizm istiqbollari muhokama qilindi
Butunjahon turizm kuni munosabati bilan Samarqand viloyati hokimi vazifasini bajaruvchi Adiz Boboyevning viloyat turizmni rivojlantirish jamoatchilik kengashi a’zolari bilan uchrashuvi bo‘lib o‘tdi.
Uchrashuv Samarqand shahrida yangidan faoliyat boshlagan "Grand Changan" restoraninig ochilishi bilan boshlandi. Ishtirokchilar xitoylik investor hamkorligida tashkil etilgan ushbu restoranda mehmonlar uchun yaratilgan sharoitlar bilan tanishdilar.
Shundan so‘ng viloyat hududida turizmni rivojlantirish, yangi yo‘nalishlar tashkil etish va mahalliy hamda xorijiy sayyohlar sonini ko‘paytirish masalalari muhokama qilindi.
Adiz Boboyev viloyatda turizm infratuzilmasini takomillashtirish, zamonaviy xizmatlar ko‘lamini kengaytirish hamda mavjud muammolarga yechim topish muhim ahamiyatga ega ekanini ta’kidladi. Shuningdek, yangi loyihalar orqali hududning sayyohlik salohiyatini to‘liq ishga solish zarurligi qayd etildi.
Mutaxassislar fikricha, Samarqandda turizm salohiyati yil sayin ortib bormoqda. Shu bois xalqaro miqyosda raqobatbardosh yo‘nalishlarni ishlab chiqish va mahalliy iqtisodiyotga ijobiy ta’sir ko‘rsatadigan loyihalarni amalga oshirish muhim vazifalardan biri hisoblanadi.
Tadbirda o‘tgan davrda amalga oshirilgan ishlar haqida maʼlumotlar berildi. Xususan, 2025-yilning 8 oyi davomida viloyatimizga 2,2 mln xorijiy, 4,3 mln mahalliy sayyohlar tashrif buyurib, o‘tgan yilning shu davriga nisbatan 140 foizga o‘sgan.
Turizm xizmatlari eksporti esa 441,1 mln dollarga yetkazilgan.
O‘tgan davrda viloyatda 194 ta joylashtirish vositalari, jumladan, 13 ta mehmonxona, 37 ta xostel, 144 ta oilaviy mehmon uylari faoliyati yo‘lga qo‘yilib, joylashtirish vositalari soni 821 taga, o‘rinlar soni esa 22 680 taga yetkazilgan. Shuningdek, joriy yilda 63 ta turkompaniyalar faoliyati yo‘lga qo‘yilib, ularning soni 451 ta taga yetgan.
Uchrashuvda turizmni rivojlantirish, bu borada xalqaro tajribalardan foydalanish, Samarqand ramzini yaratish va sohaga startap loyihalarni joriy qilish yuzasidan taqdimotlar qilindi.
Uchrashuvda viloyatda turizm sohasini rivojlantirish maqsadida bildirilgan taklif va tashabbuslar nafaqat iqtisodiy rivojlanishga xizmat qiladi, balki Samarqandning turizm maskani sifatidagi nufuzini yanada mustahkamlaydi.
Uchrashuv so‘nggida 27-sentyabr- Butunjahon turizm kuni munosabati bilan soha xodimlaridan bir guruhiga viloyat hokimligining tashakkurnomalari topshirildi.
Kiritilgan vaqti: 26/09/2025 21:43. Ko‘rilganligi: 18
Material manzili: https://samarkand.uz/press/news/samarqandda-turizm-istiqbollari-muhokama-qilindi
Prezidentga murojaat
Viloyat ochiq ma'lumotlari
Samarqand viloyatiga investor bo‘ling!
Yil dasturi
Bo‘sh ish o‘rinlarini qidirayabsizmi? Samarqand viloyati bo‘yicha vakansiyalar bilan tanishing.
-->
ASOSIY DAVLAT ORGANLARI SAYTLARI
O‘zbekiston Respublikasi Prezidenti matbuot xizmati
O‘zbekiston Respublikasi Davlat hukumati portali
O‘zbekiston Respublikasi Oliy Majlisi Senati
O‘zbekiston Respublikasi Oliy Majlisi Qonunchilik palatasi
O‘zbekiston Respublikasi milliy qonunchiligi onlayn bazasi
Aloqa, axborotlashtirish va telekommunikatsiya bo‘yicha davlat inspeksiyasi
