Unda Markaziy bank raisi, Iqtisodiyot va moliya vazirining birinchi o‘rinbosari, O‘zbekiston Respublikasi Davlat aktivlarini boshqarish agentligi direktori, Soliq qo'mitasi raisi, O'zbekiston Savdo-sanoat palatasi raisi o'rinbosari, tijorat banklari boshqaruvi raislari, bir qator banklar mas’ullari shuningdek, Samarqand viloyati hokimining birinchi o‘rinbosari ishtirok etdi.

Muloqot davomida tadbirkorlar o‘z faoliyatida duch kelayotgan muammolar xususan, moliyaviy resurslar, kredit va yer ajratilishi, mahsulotlar eksportini oshirish va infratuzilma bilan bog‘liq masalalar bo‘yicha taklif va murojaatlarini bildirishdi. Mas’ullar tomonidan har bir murojaat joyida eshitilib, ularni tezkor hal etish choralari ko‘rildi. Banklar rahbarlari tadbirkorlarga zarur kredit mahsulotlari, imtiyozlar, loyihalarni moliyalashtirish tartib-taomillari yuzasidan batafsil tushuntirishlar berishdi.

Mazkur uhrashuvdan asosiy maqsadi — tadbirkorlik uchun qulay muhit yaratish, biznesning barqaror rivojlanishini ta’minlash va hudud iqtisodiyotini yuksaltirishdan iboratdir.