Qayd etilganidek, keyingi yillarda mamlakatimizda amalga oshirilayotgan islohotlar tufayli viloyatimiz qishloq xo‘jaligi sohasida ham ijobiy natijalarga erishilmoqda. Jumladan, bu yil viloyatimizda 825 ming tonna g‘alla, 265 ming tonnadan ortiq paxta, 1 million 700 ming tonna sabzavot, 3 ming 900 tonna pilla, 349 ming tonna go‘sht hamda 1 million 500 ming tonna sut tayyorlashga erishildi.

Tadbirda qishloq xo‘jaligi mahsulotlari yetishtirish va uni eksport qilish hajmi ham ortib borayotgani alohida ta’kidlandi.

– Birgina joriy yilda 316 million dollarlik 303 ming tonna meva-sabzavot mahsulotlari Rossiya, Xitoy, Turkiya, Ukraina, AQSh, Polsha, Germaniya, Kanada kabi 61 davlatga eksport qilindi. Eksport hajmi o‘tgan yilga nisbatan 74 mln. dollarga oshdi, - dedi viloyat hokimi Adiz Boboyev.

Tadbirda qishloq xo‘jaligi sohasida samarali mehnat qilib kelayotgan bir guruh xodimlar “O‘zbekiston Respublikasi qishloq xo‘jaligi fidoyisi”, "O‘zbekiston Respublikasi suv xo‘jaligi aʼlochisi", "Mehnatkash dehqon", "Namunali tomorqachi", "Ilg‘or fermer" ko‘krak nishonlari, faxriy yorliq hamda esdalik sovg‘alari bilan taqdirlandi.

Viloyatning taniqli san’atkorlarining kuy-qo‘shiqlari yig‘ilganlarga bayram kayfiyatini ulashdi.