Samarqandda MDH davlatlari uchun xavfsizlik sohasidagi muhim tadbir o‘tkaziladi

O‘zb Ўзб Рус Eng

Samarqand viloyati hokimligi
rasmiy veb-sayti

w w w . s a m a r k a n d . u z

Chop etish

Samarqandda MDH davlatlari uchun xavfsizlik sohasidagi muhim tadbir o‘tkaziladi

Unda zamonaviy tahdidlar va o‘zaro harakatlarni muvofiqlashtirishga oid keng qamrovli masalalar ko‘rib chiqiladi.

16-17-oktyabr kunlari Samarqand shahrida Mustaqil davlatlar hamdo‘stligiga a’zo davlatlar xavfsizlik organlari va maxsus xizmatlari rahbarlari Kengashining 57-majlisi hamda MDHga a’zo davlatlar xavfsizlik organlari va razvedka xizmatlari rahbarlarining 21-majlisi o‘tkazilishi rejalashtirilgan.

Ushbu majlislarda Ozarbayjon, Armaniston, Belarus, Qozog‘iston, Qirg‘iziston Respublikasi, Rossiya Federatsiyasi, Tojikiston, O‘zbekiston va Turkmaniston maxsus xizmatlari rahbarlari ishtirok etadi.

Tadbirlarda, shuningdek, MDH Ijroiya qo‘mitasi va MDHga a’zo davlatlar Aksilterror markazi vakillari ham qatnashadi.

Ushbu anjumanlardan ko‘zlangan asosiy maqsad Hamdo‘stlik makonida xavfsizlikni ta’minlash, shu jumladan, xalqaro terrorizm va ekstremizm, transmilliy uyushgan jinoyatchilik, axborot xavfsizligiga tahdidlar, shuningdek, giyohvandlik vositalari va psixotrop moddalarning noqonuniy xalqaro aylanmasiga qarshi kurashish borasida hamkorlikni mustahkamlashdan iborat.

Yig‘ilishlar davomida zamonaviy tahdidlar va o‘zaro harakatlarni muvofiqlashtirishga oid keng qamrovli masalalar ko‘rib chiqilishi kutilmoqda.

Kiritilgan vaqti: 15/10/2025 17:36. Ko‘rilganligi: 28

Material manzili: https://samarkand.uz/press/news/samarqandda-mdh-davlatlari-uchun-xavfsizlik-sohasidagi-muhim-tadbir-otkaziladi