Samarqand shahrida Prezidentimizning "Koʻp kvartirali turar joy majmualarini qurishda kompleks qurilish mexanizmlarini joriy etish va shaffoflikni taʼminlash chora-tadbirlari toʻgʻrisida"gi qarori asosida

“Nurli yo‘l” mahallasi hududida keng ko‘lamli qurilish va bunyodkorlik ishlari amalga oshiriladi.
Urbanizatsiya va uy-joy bozorini barqaror rivojlantirish milliy qo‘mitasi raisi Sherzod Kudbiyev hamda Samarqand viloyati hokimi Adiz Boboyev mazkur hududda amalga oshiriladigan ishlar bilan tanishdi.

Uy-joy qurilishi jarayonlarida fuqarolarning roziligi, huquq va qonuniy manfaatlarini ta’minlash ustuvor vazifa ekanini alohida ta’kidlandi.
Shu kuni "Samarqand invest kompaniyasi" AJda uy-joy fondini kompleks rivojlantirishga bag‘ishlangan taqdimot o‘tkazildi. Unda yer resurslaridan samarali foydalanish, muhandislik-kommunikatsiya tarmoqlarini tizimli shakllantirish hamda zamonaviy infratuzilmani barpo etish masalalari atroflicha muhokama qilindi.
Samarqand viloyatida aholi uchun munosib turmush sharoitlarini yaratish, shahar infratuzilmasini yanada takomillashtirish bo‘yicha aniq vazifalar belgilab berildi.