Musobaqaning ochilish marosimida viloyat hokimi E.Turdimov, DXX viloyat boshqarmasi boshlig‘i A.Axmedov va O‘FA vitse-prezidenti Ravshan Ermatov ishtirok etib, mamlakatimizda sportni rivojlantirish borasida amalga oshirilayotgan ishlar, jumladan an’anaviy DXX kubogi turniri yoshlar o‘rtasida sog‘lom turmush tarzini targ‘ib qilish, futbolni ommalashtirish, iqtidorli yoshlarni aniqlashda muhim ahamiyat kasb etayotganini ta’kidladi va o‘yinni boshlab berishdi.

Shundan so‘ng, Ishtixon tumanining Qoraqo‘yli hamda Qoraqishloq mahallalari bahsga kirishdi.

Musobaqada 16 yoshdan 30 yoshgacha bo‘lgan o‘g‘il bolalar futbol va mini-futbol, qizlar esa mini-futbol bo‘yicha ishtirok etmoqda.

Kubokning tuman, shahar saralash musobaqalari aprel-may, viloyatlar bo‘yicha saralash bahslari iyun-iyul va respublika final musobaqalari avgust oyida bo‘lib o‘tadi.