Zavod qurilishi uchun tamal toshi qo‘yish marosimida Samarqand viloyati hokimi vazifasini bajaruvchi Adiz Boboyev ishtirok etib, 

viloyatda  chiqindilarni qayta ishlash, undan energiya ishlab chiqarish yo‘nalishidagi mazkur loyihaning energiya barqarorligini ta’minlashdagi ahamiyati katta ekanligini taʼkidladi.

Xitoy Xalq Respublikasining “Shanghai SUS Environment” kompaniyasi tomonidan  Samarqad viloyatida qattiq maishiy chiqindilarni yoqish orqali elektr energiyasi ishlab chiqarish uchun 150 million AQSH dollari miqdorida to‘g‘ridan-to‘g‘ri investitsiya jalb qilinmoqda.

Loyiha doirasida Samarqand shahrining So’lim qo‘rg‘oni  hududidan 15 gektar maydon  ajratilgan bo‘lib, kuniga 1500 tonna chiqindini termik qayta ishlash va yiliga 240 million kVt elektr energiyasi ishlab chiqarish quvvatiga ega zavod quriladi.

Mazkur korxonada 150 tagacha yangi ish o‘rni yaratiladi.