Samarqand viloyati delegatsiyasi Eronda

O‘zb Ўзб Рус Eng

Samarqand viloyati hokimligi
rasmiy veb-sayti

w w w . s a m a r k a n d . u z

Chop etish

Samarqand viloyati delegatsiyasi Eronda

Ayni kunlarda elektrotexnika, mebelchilik, oziq-ovqat sanoati, chorvachilik, tibbiyot va boshqa sohalarda faoliyat olib boruvchi 30 dan ziyod tadbirkorlik subyektlaridan iborat viloyat delegatsiyasi Eronda bo‘lib turibdi.

Tashrif davomida delegatsiyamiz aʼzolari Eron poytaxti Tehron shahrida "Tehran Permanent International Fairgrounds"da "Iran Expo 2025" — Eronning eksport imkoniyatlarini namoyish qilishga qaratilgan ko‘rgazmada ishtirok etdi.

Shuningdek, Samarqand viloyati va Xuroson Razaviy provinsiyasi o‘rtasida biznes-forum o‘tkazilib, ikkala hududning rasmiy vakillari ishtirokida savdo-iqtisodiy, investitsiyaviy, madaniy hamda ijtimoiy-gumanitar aloqalarni yanada mustahkamlash bo‘yicha muzokara olib borildi.

Tadbirlar davomida viloyatimizning iqtisodiy salohiyati, ishlab chiqarish imkoniyatlari eng yirik korxonalar brendlari namoyish etilib, Eronda faoliyat ko‘rsatuvchi 50 dan ortiq korxonalari faoliyati bilan tanishildi. Ularga Samarqandda ishlab chiqarishni yo‘lga qo‘yish bo‘yicha takliflar berildi. Hamkorlikda yangi qo‘shma korxonalar tashkil etish bo‘yicha muzokaralar o‘tkazildi.