Yangi uylarni topshirish marosimida viloyat hokimi vazifasini bajaruvchi Adiz Boboyev so‘zga chiqib, uy egalarini Mustaqillik bayrami hamda yangi xonadonlarga ko‘chib o‘tayotgani bilan tabrikladi.

- Renovatsiya dasturi xalqimiz hayotini yanada yaxshilash, ularni munosib sharoitlarda yashashini ta’minlashga qaratilgani bilan ahamiyatlidir. Bunday ezgu ishlar davom etadi,-dedi viloyat rahbari.
Tumanning Parrandachlik mahallasida 1 ming 700 xonadondan iborat 38 ta ko‘p qavatli uy-joy, bolalar o‘yingohi, sport maydonchalari, savdo va xizmat ko‘rsatish obyektlari qurilishi rejalashtirilib, dastlabki bosqichda 90 xonadonli 2 ta ko‘p qavatli uy foydalanishga topshirildi. Yil yakuniga qadar mazkur hududda yana 135 xonadonli 3 ta ko‘p qavatli uy o‘z egalariga topshiriladi.