Shuningdek, ishtirokchilar uchun Samarqanddagi Registon majmuasiga sayohat tashkil qilindi. Bu yerda ularga ajdodlarimizning bunyodkorlik salohiyati, ushbu obidalarning qurilish tarixi haqida maʼlumotlar berildi.

Shundan so‘ng, Samarqand shahridagi “Sadaf” bazmgohida bolajonlar uchun bayram dasturxoni yozildi. Tadbirda viloyat hokimi o‘rinbosari Husan To‘xtayev hamda Migratsiya agentligi Samarqand hududiy filiali rahbari Laziz Ibragimovlar so‘zga chiqib, barcha ishtirokchilarni Yangi yil bayrami bilan samimiy tabrikladi. Unda mehnat migrantlari va ularning farzandlari davlat va jamiyat e’tiborida ekani alohida ta’kidlandi.

Bayram yakunida bolalarga Yangi yil sovg‘alari topshirildi, konsert dasturlari hamda qiziqarli badiiy chiqishlar namoyish etildi. Tadbir ishtirokchilarga bayramona kayfiyat va quvonch ulashdi.