Ayni paytda viloyat rahbari Erkinjon Turdimov boshchiligidagi Samarqand viloyati delegatsiyasi Tatariston poytaxti Qozon shahrida bo‘lib, O‘zbekiston-Rossiya hududlararo hamkorligi bo‘yicha III Forumda  ishtirok etishmoqda.

Forum dasturi ancha qizg‘in – O‘zbekiston-Rossiya va Rossiya-O‘zbekiston ishbilarmonlar kengashlari yig‘ilishi, yalpi majlis, hamkorlikning turli yo‘nalishlari bo‘yicha panel sessiyalari, ishbilarmonlik muzokaralari.

Samarqand viloyati hokimligi, viloyat investitsiyalar, sanoat va tashqi savdo boshqarmasi hamda Savdo-sanoat palatasi viloyat hududiy boshqarmasi vakillari hamda 20 dan ortiq ishbilarmon va tadbirkorlar Rossiya Federatsiyasining hududlari bilan ikki tomonlama manfaatli hamkorlik aloqalarini o‘rnatish borasida faoliyat olib borishmoqda.

Ikki kun davomida viloyatimiz vakillari rossiyalik tadbirkorlar bilan tibbiyot, taʼlim, toʻqimachilik va yengil sanoat sohalarida ikki tomonlama hamkorlik boʻyicha muzokaralar oʻtkazishdi.

Delegatsiyaning tashrifi davomida umumiy qiymati 202 million AQSH dollari, jumladan, investitsiyalar sohasida – 152 million AQSh dollari va eksport boʻyicha – 50 million AQSh dollari miqdorida kelishuvlar ishlab chiqildi.