Samarqand delegatsiyasi Malayziyada: investitsiya va turizm yo‘nalishida yangi imkoniyatlar

O‘zb Ўзб Рус Eng

Samarqand viloyati hokimligi
rasmiy veb-sayti

w w w . s a m a r k a n d . u z

Chop etish

Samarqand delegatsiyasi Malayziyada: investitsiya va turizm yo‘nalishida yangi imkoniyatlar

Samarqand viloyati hokimi Adiz Boboyev boshchiligidagi delegatsiyaning Malayziyadagi tashrifi doirasida qator muhim uchrashuv va muzokaralar o‘tkazilmoqda.

Ushbu muloqotlar turizm va madaniy aloqalarni yanada kengaytirishga qaratilgani bilan ahamiyatlidir.

Xususan, turizm sohasida faoliyat ko‘rsatayotgan “BUMITRA”, “PAPUH”, “SAFTTA”, “BARAKAH UMHAJ”, “WITEX”, “KURMA” va “MATA” turizm assotsiatsiyalari vakillari bilan samarali uchrashuvlar tashkil etildi. Muzokaralarda o‘zaro tajriba almashish, sayyohlik xizmatlari sifatini oshirish hamda Samarqandga xorijiy sayyohlar oqimini ko‘paytirish masalalari atroflicha muhokama qilindi.

Shuningdek, “Airnett” aviakompaniyasi vakillari bilan “Kuala-Lumpur – Samarqand” yo‘nalishida to‘g‘ridan-to‘g‘ri aviaqatnovlarni yo‘lga qo‘yish istiqbollari ko‘rib chiqildi. Bu tashabbus ikki mamlakat o‘rtasidagi transport aloqalarini mustahkamlash bilan birga turizm salohiyatini yanada oshirishga xizmat qilishi kutilmoqda.

Mazkur tashrif Samarqandga sayyohlar oqimini ko‘paytirish va uni Malayziya investitsiyalari hamda ziyorat turizmi uchun jozibador hudud sifatida namoyon etishda muhim qadam bo‘lmoqda.

Kiritilgan vaqti: 03/04/2026 20:26. Ko‘rilganligi: 26

Material manzili: https://samarkand.uz/press/news/samarqand-delegatsiyasi-malayziyada-investitsiya-va-turizm-yonalishida-yangi-imkoniyatlar