Qurilish va pardozlash materiallari, maxsus qurilish uskunalari hamda texnikalarning xalqaro ko‘rgazmasi o‘tkazilmoqda

O‘zb Ўзб Рус Eng

Samarqand viloyati hokimligi
rasmiy veb-sayti

w w w . s a m a r k a n d . u z

Chop etish

Qurilish va pardozlash materiallari, maxsus qurilish uskunalari hamda texnikalarning xalqaro ko‘rgazmasi o‘tkazilmoqda

Jomboy tumanidagi “SOF EXPO Samarkand” ekspo markazida “BUILD PRO EXPO–2025” — qurilish va pardozlash materiallari, maxsus qurilish uskunalari hamda texnikalarining xalqaro ko‘rgazmasi o‘z ishini boshladi.

Ko‘rgazma ochilish marosimida Samarqand viloyati hokimi vazifasini bajaruvchi Adiz Boboyev ishtirok etib, viloyatda qurilish materiallari va uskunalari ishlab chiqarish yo‘nalishida amalga oshirilayotgan amaliy ishlar, sifatli va raqobatbardosh mahsulotlarga bo‘lgan talabni qondirish borasidagi sa’y-harakatlar xususida to‘xtalib o‘tdi.

Mazkur ko‘rgazma shu yilning 5-noyabrigacha davom etadi. Unda mahalliy va xorijiy kompaniyalar o‘z mahsulotlari va innovatsion yechimlarini namoyish etmoqda. Tadbir qatnashchilari qurilish sohasidagi so‘nggi yangiliklar bilan tanishish, shuningdek, yetakchi kompaniyalar bilan hamkorlikni yo‘lga qo‘yish imkoniyatiga ega bo‘lishadi.

“BUILD PRO EXPO–2025” qurilish sanoatidagi ilg‘or tajribalarni o‘rganish, yangi texnologiyalarni joriy etish va mahalliy ishlab chiqaruvchilarning salohiyatini namoyish etish uchun muhim maydon bo‘lib xizmat qiladi.

Kiritilgan vaqti: 03/11/2025 15:36. Ko‘rilganligi: 26

Material manzili: https://samarkand.uz/press/news/qurilish-va-pardozlash-materiallari-maxsus-qurilish-uskunalari-hamda-texnikalarning-xalqaro-korgazmasi-otkazilmoqda