qishloq xo‘jaligi sohasida faoliyat yuritayotgan fidoyi yurtdoshlarimiz davlat mukofotlariga sazovor bo‘ldi. Ular orasida samarqandliklar ham bor.

Bugun Samarqand viloyati hokimligida ularni tantanali taqdirlash marosimi bo‘lib o‘tdi. Tadbirda viloyat hokimi Adiz Boboyev soha taraqqiyoti yo‘lida amalga oshirilayotgan islohotlar, intensiv agrotexnik usullarni joriy etish orqali yuqori hosildorlikka erishish, aholi farovonligini oshirish va eksport salohiyatini kengaytirish borasidagi ishlar haqida to‘xtalib, yuksak natijalarga erishib kelayotgan soha fidoyilarni tabrikladi.

Marosimda Prezidentimiz farmoniga muvofiq, Samarqand davlat veterinariya meditsinasi, chorvachilik va biotexnologiyalar universiteti professori - Do‘stmuhammad Xolmirzayev "Mehnat shuhrati" ordeni, "Mirza-Pay" irrigatsiya tizimi boshqarmasi katta muhandis-gidrotexnigi - Obloqul Abdulazizov "Do‘stlik" ordeni, Paxtachi tumanidagi "Mirzayev Shuhrat Kenjayevich" fermer xo‘jaligining g‘alla o‘rish kombayni operatori - Nurmuhammad Suvonov "Jasorat" medali, Samarqand tumanidagi shaxsiy tomorqa yer egasi - Mehroj Qodirov, Jomboy tumanidagi "Jomboy agropilla" MCHJ pillachisi - Jamila Muxtorova, Kattaqo‘rg‘on tumanidagi "Azimxon Rizonov" ko‘p tarmoqli fermer xo‘jaligi rahbari - Azimxon Rizonov, Pastdarg‘om tumanidagi "Eldor" chorvachilik fermer xo‘jaligi boshlig‘i - Erkin Sherov "Shuhrat" medali bilan taqdirlandilar.