Paxtachilikda boy tajribaga ega tumanda hosilni o‘z vaqtida va sifatli yig‘ib olish uchun puxta hozirlik ko‘rilib, terimchilarga qulay sharoit yaratildi. 130 ta terim otryadi tashkil etilib, xomashyoni qabul shoxobchalariga peshma-pesh yetkazib berish uchun 280 ta tashish traktori, 605 ta tirkama biriktirildi. Mavsumni tez, sifatli yakunlash uchun zamonaviy 21 ta zamonaviy paxta terish mashinasi xarid qilindi.

Qishloq xo‘jaligi vaziri Ibrohim Abdurahmonov va Samarqand viloyat hokimi vazifasini bajaruvchi Adiz Boboyev Pastdarg‘om tumanidagi paxta dalalarida ham bo‘lib, terim jarayoni va paxta maydonlarida terimchilar uchun yaratilgan sharoitlar bilan tanishdilar.

Mutasaddilarga mavsumni uyushqoqlik bilan tashkil etish, mavjud paxta terish mashinalaridan samarali foydalanish yuzasidan tegishli vazifalar belgilab berildi.