Unda davlatimiz rahbarining yoshlar bilan ochiq muloqotida belgilangan ustuvor vazifalarni amalga oshirish masalalari muhokama qilindi.

Uchrashuv davomida oliy ta’lim muassasalarida talabalarni sport turlariga jalb qilish, ma’naviy-ma’rifiy ishlar samaradorligini oshirish, talabalarning dunyoqarashini kengaytirish va vatanparvarlik ruhini mustahkamlash bo‘yicha aniq chora-tadbirlar belgilab olindi. Shuningdek, bitiruvchilarni ish bilan ta’minlash, ularni mehnat bozori talablariga mos malakali mutaxassis etib tayyorlash dolzarb vazifa sifatida qayd etildi.

Yig‘ilishda yoshlarni xorijiy tillar va zamonaviy kasb-hunarlarga o‘qitish, sport bilan muntazam shug‘ullanishlari uchun sharoit yaratish, ilg‘or g‘oya va tashabbuslarini qo‘llab-quvvatlash masalalariga alohida e’tibor qaratildi. Ayniqsa, talabalarning innovatsion loyiha va startaplarini rag‘batlantirish, ularni moliyaviy va tashkiliy jihatdan qo‘llab-quvvatlash, imtiyozli kreditlar ajratish orqali yoshlarni daromadli faoliyatga yo‘naltirish zarurligi ta’kidlandi.

Viloyat hokimi mas’ullar oldiga har bir oliy ta’lim muassasasida amaliy natija beradigan tizimli ishlarni tashkil etish, yoshlarning bandligini ta’minlash va ularning salohiyatini yuksaltirish bo‘yicha aniq rejalar ishlab chiqish vazifasini qo‘ydi.

Uchrashuv yakunida belgilangan vazifalar ijrosini ta’minlash yuzasidan hamkorlikda ishlashga kelishib olindi.