w w w . s a m a r k a n d . u z
Nuroniylarga "Mehnat faxriysi" ko‘krak nishonlari topshirildi
Nuroniylarga "Mehnat faxriysi" ko‘krak nishonlari topshirildi
Samarqand shahrida “Mehnat faxriysi” ko‘krak nishonlarini topshirishga bag‘ishlangan tadbir bo‘lib o‘tdi.
“Keksalar haftaligi” doirasida tashkil etilgan ushbu tadbirda fidoyi, tashabbuskor hamda hayot yo‘li yoshlar uchun ibrat bo‘ladigan nuroniylar mehnati munosib e’tirof etildi.
Keksalarni e’zozlash, ularga hurmat va ehtirom ko‘rsatish xalqimizga xos azaliy qadriyatlardan hisoblanadi. Bugungi kunda bu an’ana yangi mazmun bilan boyib, muhim ahamiyatga ega tarbiya maktabiga aylanib bormoqda.
“Nuroniy” jamg‘armasi Vasiylik Kengashi qaroriga ko‘ra, mamlakatimiz iqtisodiy, ijtimoiy va madaniy sohalarida ko‘p yillar davomida samarali mehnat qilgan faxriylar “Mehnat faxriysi” ko‘krak nishonlari bilan taqdirlandilar. Ular orasida 86 nafar samarqandlik nuroniylar ham bor.
Tadbirda viloyat hokimi vazifasini bajaruvchi Adiz Boboyev ishtirok etib, faxriylarni qutladi. Viloyat rahbari o‘z so‘zida nuroniylarning hayot tajribasi va mehnati yoshlar uchun namuna ekanini ta’kidlab, ularga minnatdorlik izhor qildi.
- Keksalarimiz har bir sohada faollik ko‘rsatib, jamiyat taraqqiyotiga hissa qo‘shib kelmoqdalar. Ularning duosi va faol ishtiroki barcha ishlarimizga ruh va kuch bag‘ishlaydi,- dedi Adiz Boboyev.
Tadbirda bu kabi tashabbuslar keksalarga bo‘lgan e’tibor va ehtiromning yorqin ifodasi ekanligi ta’kidlandi.
Kiritilgan vaqti: 11/10/2025 16:38. Ko‘rilganligi: 35
Material manzili: https://samarkand.uz/press/news/nuroniylarga-mehnat-faxriysi-kokrak-nishonlari-topshirildi
Prezidentga murojaat
Viloyat ochiq ma'lumotlari
Samarqand viloyatiga investor bo‘ling!
Yil dasturi
Bo‘sh ish o‘rinlarini qidirayabsizmi? Samarqand viloyati bo‘yicha vakansiyalar bilan tanishing.
-->
ASOSIY DAVLAT ORGANLARI SAYTLARI
O‘zbekiston Respublikasi Prezidenti matbuot xizmati
O‘zbekiston Respublikasi Davlat hukumati portali
O‘zbekiston Respublikasi Oliy Majlisi Senati
O‘zbekiston Respublikasi Oliy Majlisi Qonunchilik palatasi
O‘zbekiston Respublikasi milliy qonunchiligi onlayn bazasi
Aloqa, axborotlashtirish va telekommunikatsiya bo‘yicha davlat inspeksiyasi
