“Olam nurga to’lsin sen bilan, Navro’z!” Bu yilgi Navro‘z umumxalq bayrami ana shu shior ostida nishonlanadi.

Viloyat hokimi rahbarligidagi navbatdagi muhokamada ushbu bayramni o‘tkazish masalalari atroflicha muhokama etildi.

Bayramni barcha shahar va tumanlar, qishloq va ovullarda umumxalq sayillari shaklida nishonlash, ikkinchi jahon urushi qatnashchilari va faxriylari, keksa avlod vakillarini har tomonlama e’zozlash, Muruvvat va Saxovat uylarida yashayotganlar, ijtimoiy daftarlarga kiritilgan hamda ko’makka muhtojlarning holidan xabar olish, ularga beg’araz yordam berish bilan bog’liq xayriya tadbirlarini amalga oshirish zarurligi haqida so’z yuritildi.

“Yashil makon” umummilliy loyihasi doirasida barcha hududlarda umumxalq hasharlari, keng qamrovli obodonlashtirish va ko’kalamzorlashtirish tadbirlarini o’tkazish zarurligiga alohida to’xtalib o’tildi.

Yuklatilgan vazifalar ijrosi kunlik muhokama etib borilishi belgilandi.