Tomonlar keyingi yillarda O‘zbekiston va Yaponiya davlatlari o‘rtasidagi hamkorlik rivojlanib borayotganini alohida ta’kidladilar.

Adiz Boboyev Yaponiya ilmiy tadqiqotlar sohasida yetakchi davlatlar qatorida ekanligini, sanoat sohasiga innovatsiyalarni joriy qilishda katta tajriba to‘plaganini alohida ta’kidladi. - Bu tajribadan foydalanish va hamkorlikda ishlash hududlarimiz uchun foydali bo‘ladi. Samarqand viloyati hokimligi hududlararo hamkorlikni mustahkamlash, xususan, to‘qimachilik, farmatsevtika, metallurgiya va elektrotexnika sanoatini, shuningdek, ta’lim va turizm sohalarini har tomonlama rivojlantirishda qo‘shma loyihalarni amalga oshirilishidan manfaatdordir,-dedi Samarqand viloyati rahbari.

Makoto Yamashita bildirilgan barcha tashabbuslarni qo‘llab-quvvatlashini bildirdi. - Amalga oshiriladigan hamkorligimiz ikki hudud uchun ham manfaatli bo‘lishiga ishonaman. Samarqandda qator istiqbolli loyihalarni amalga oshirishda naralik tadbirkorlar ham faol ishtirok etish niyatida,- dedi Makoto Yamashita.

Uchrashuvda hududlararo hamkorlikni yanada faol rivojlantirish yuzasidan o‘zaro manfaatli aloqalarni mustahkamlash bo‘yicha kelishib olindi.