Migratsiya masalalari muhokama etildi

O‘zb Ўзб Рус Eng

Samarqand viloyati hokimligi
rasmiy veb-sayti

w w w . s a m a r k a n d . u z

Chop etish

Migratsiya masalalari muhokama etildi

Viloyat hokimi vazifasini bajaruvchi Adiz Boboyev Samarqandda o‘tkazilayotgan BMTning Davlat xizmatlari forumi doirasida Shvetsiya davlatining Migratsiya masalalari bo‘yicha vaziri Yoxan Forssell bilan uchrashdi.

Uchrashuvda migratsiya masalalari yuzasidan o‘zaro fikr almashilib, hamkorlik istiqbollari muhokama etildi.

Viloyat rahbari mehnat migratsiyasi jarayonini qonuniy, xavfsiz va samarali yo‘lga qo‘yish yuzasidan fikrlarini bildirib, bu borada viloyatimizda olib borilayotgan ishlar haqida ma‘lumot berdi.

- Migratsiya yo‘nalishida tajriba almashish, malaka oshirish, qonuniy ishga joylashish jarayonlarini tashkil etish bo‘yicha hamkorlikka tayyormiz,-dedi viloyat rahbari.

Yoxan Forssell hamkorlikka tayyor ekanligini bildirib, bu Shvetsiya va O'zbekiston ravnaqiga xizmat qilishini ta'kidladi. Shvetsiya hukumati ham migratsiya, turizm va boshqa sohalarda keng ko‘lamli istiqbolli rejalarni amalga oshirish yo‘lida aloqalarni mustahkamlash tarafdori ekanligiga to‘xtaldi.