Samarqandda "Yangi O‘zbekiston bunyodkorlari" kasbiy mahorat milliy tanlovining tantanali ochilish marosimi bo‘lib o‘tdi.

“O‘zbekiston Respublikasi Prezidenti sovrini” uchun tashkil etilayotgan mazkur tanlov onlayn videokonferensiya shaklida o‘tkazilib, respublika va barcha hududlar vakillari ishtirok etdi.

Tadbir davomida viloyat hokimi o‘rinbosari Husan Tuxtayev ishtirokchi yoshlarga omad tilab, bugungi kunda kasb-hunar egallash, malaka va mahoratni oshirish Yangi O‘zbekiston taraqqiyotining muhim omillaridan biri ekanini ta’kidladi.

Eslatib o‘tamiz, ushbu ko‘rik-tanlov O‘zbekiston Respublikasi Vazirlar Mahkamasining tegishli qaroriga asosan tashkil etilgan bo‘lib, tanlov tuman, viloyat va respublika bosqichlarida o‘tkaziladi.