Dastlab viloyat rahbariga issiqxona qurish uchun ajratilgan yer maydonlaridan foydalanish borasidagi ishlar haqida ma’lumotlar berildi. Viloyatda issiqxonalar uchun 1247 gektar yer maydoni ajratilgan bo‘lib, shundan 521 gektarida issiqxona majmualari barpo etilgan. Hozirgi kunda 314 ta subyekt tomonidan 493 gektar maydonda ish olib borilmoqda. Shundan 431 gektarida qishloq xo‘jaligi mahsulotlari yetishtirilmoqda.

Shu bilan birga, foydalanilmayotgan yerlar va ajratilgan maydonlarning maqsadsiz ishlatilishi holatlariga ham alohida e’tibor qaratildi. Bu holat yer resurslaridan samarali foydalanish ustidan nazoratni kuchaytirish zarurligini ko‘rsatadi.

Taqdimotda 2026-yilga mo‘ljallangan rejalar ham ko‘rib chiqildi. Unga ko‘ra, 85 gektar maydonda 5 ta yangi issiqxona loyihasini ishga tushirish rejalashtirilgan. Ushbu loyihalar amalga oshirilishi natijasida hududda qishloq xo‘jaligi mahsulotlari ishlab chiqarish hajmi sezilarli darajada oshishi va yangi ish o‘rinlari yaratilishi kutilmoqda.

Taqdimot yakunida belgilangan ishlarni sifatli amalga oshirish, mavjud resurslardan samarali foydalanish yuzasidan vazifalar belgilandi.