“Gala Osiyo” va “Furqat” mahallalari yoshlari bilan uchrashuv

O‘zb Ўзб Рус Eng

Samarqand viloyati hokimligi
rasmiy veb-sayti

w w w . s a m a r k a n d . u z

Chop etish

“Gala Osiyo” va “Furqat” mahallalari yoshlari bilan uchrashuv

Bugun viloyat hokimi Samarqand shahridagi “Galaosiyo” va “Furqat” mahalla fuqarolar yig‘ini yoshlari bilan uchrashdi.

Uchrashuvdan ko‘zlangan asosiy maqsad yoshlarning muammolarini tinglash, ularni hal etishga ko‘maklashishdan iborat. Uchrashuv savol-javob tarzida ochiq va oshkora muloqot shaklida o`tdi.

Kasbiy ko‘nikmalarga ega bo‘lishda ko‘maklashish, tadbirkorlik faoliyatini boshlash uchun kredit ajratish, uy-joy sotib olish uchun subsidiyalar, oliy o‘quv yurtlarida tahsil olayotgan yoshlarning to‘lov-kontraktni to‘lash, zarur asbob-uskunalar xarid qilish, nafaqa va boshqa bir qator masalalar bo‘yicha yoshlar viloyat hokimiga murojaat etishdi.

Erkinjon Turdimov o`quvchilar o‘rtasida muntazam dars qoldirish sabablari, shuningdek, yoshlarning oilalari qanday yashashi, qanday qiyinchiliklarga duch kelayotgani bilan qiziqdi.

Muloqot davomida bildirilgan 50 dan ortiq masalalar bo‘yicha yoshlarga amaliy yordam ko‘rsatish uchun ma’sullar belgilandi. Muammolar ijrosi nazoratga olindi.

Kiritilgan vaqti: 09/04/2024 15:24. Ko‘rilganligi: 207

Material manzili: https://samarkand.uz/press/news/gala-osiyo-va-furqat-mahallalari-yoshlari-bilan-uchrashuv