Bugun "Besh tashabbus olimpiadasi" musobaqalarining 2026-yilgi mavsumining ochilish marosimiga bag‘ishlangan tantanali tadbir bo‘lib o‘tdi. 

Samarqand viloyati yoshlar ishlari boshqarmasida tashkil etilgan studiyadan viloyat yoshlar ishlari boshqarmasi boshlig‘i D.Azizova, viloyat sport boshqarmasi boshlig‘i J.Nurmanov hamda hamkor tashkilot vakillari, sport taʼlim muassasalari mutaxassislari, yoshlar yetakchilari, trener-murabbiylar, yoshlar va sportchilar ishtirok etishdi.

Tadbirda viloyatimiz mahalla yoshlari nomidan so'zga chiqqan Lutfiya Berdiyeva "Besh tashabbus olimpiadasi" sport musobaqalarining yengil atletika bo'yicha o'tgan yili o'tkazilgan musobaqalarida Paxtachi tumani Suluvqo'rg'on mahallasi jamoasi birinchilikni qo'lga kiritgani, bu yoshlar uchun katta imkoniyat ekanligini ta'kidlab, joriy yilgi musobaqalarda ham barcha yoshlarga omad tiladi.