O‘zbekiston Respublikasi Prezidentining qaroriga binoan, Afruza Xamdamova “Zulfiya” nomidagi Davlat mukofoti bilan taqdirlandi.

Chernogoriyada o‘tgan Jahon chempionatidan qaytgach, Afruzaga mukofot Xalqaro shaxmat akademiyasida o‘tkazilgan tadbirda, Bosh vazir o‘rinbosari Zulayho Mahkamova tomonidan tantanali tarzda topshirildi.

Tadbirda Sport vaziri Adkham Ikramov, Yoshlar ishlari agentligi rahbari Alisher Sa’dullayev, Shaxmat federatsiyasi vakillari va jurnalistlar ishtirok etdi.

Afruza Prezidentimizga minnatdorchilik bildirib, yurt bayrog‘ini xalqaro arenalarda baland tutishni davom ettirishga va’da berdi.