Bugun tongda viloyatimiz mo‘min-musulmonlari muborak Ramazon hayiti namozini ado etdilar.

Viloyat hokimi vazifasini bajaruvchi Adiz Boboyev Samarqand shahridagi “Namozgoh” jome masjidida hayit namozida qatnashib, barcha samarqandliklarni Ramazon hayiti bilan tabrikladi.
- Bugungi muqaddas bayram barchamizga muborak bo‘lsin. Bu yil Ramazon oyi saxovat, birdamlik va bag‘rikenglik oyi sifatida viloyatimizda ham munosib o’tkazildi. Oy davomida mehr-muruvvat va saxovat tadbirlari tashkil qilinib, xalqimiz hamjihatligi va totuvligini mustahkamlashga xizmat qildi, - dedi A.Boboyev. - Bu davlatimiz rahbarining kecha xalqimizga yo‘llagan tabrigida ham alohida  ta’kidlandi. Shunday qutlug‘ kunda yuritimizga tinchlik, xalqimizga farovonlik tilayman. Ramazon oyida qilgan barcha ezgu niyatlarimiz ijobat bo‘lsin!