Avval xabar berganimizdek, Samarqand eshkak eshish kanalida boshlangan triatlon bо‘yicha “2022 Asian Triathlon Cup Samarkand” bahslari yakunlandi.

30 davlatdan kelgan 70 nafar professional sportchi triatlonning klassik yо‘nalishi - ochiq havzada 1,5 kilometrga suzish, 40 kilometrga velopoyga va 10 kilometrga yugurish bahslarida bellashdi.

Musobaqaning ayollar о‘rtasidagi bahsida jahon triatlon federatsiyasi bayrog‘i ostida qatnashgan Xisca Tous birinchi, xitoylik Xinyu Lin ikkinchi va Vengriya vakilasi Noémi Sárszegi uchinchi о‘ringa sazovor bо‘ldi.

Erkaklar о‘rtasidagi bahsda ispaniyalik sportchi David Cantero Del Campo mutloq g‘olib deb topildi. Ikkinchi о‘rinni Ruminiya sportchisi Felix Duchampt, uchinchi о‘rinni Lyuksemburg vakili Gregor Payet qо‘lga kiritdi.

Musobaqa sо‘nggida g‘oliblarga diplom, medal va esdalik sovg‘alari topshirildi.

Ertaga 160 nafar havaskor hamda professional sportchilar о‘rtasida triatlon bо‘yicha О‘zbekiston chempionati bо‘lib о‘tadi.