.

Ўзбекистон Республикасининг 2011 йил 12 октябрдаги “Географик объектларнинг номлари тўғрисида”ги Қонунининг 4 ва 9-моддаларига мувофиқ Ўзбекистон Республикаси Давлат солиқ қўмитаси ҳузуридаги Кадастр агентлигининг 2021 йил 16 июнь, 19 ва 30 ноябрлардаги экспертиза хулосалари ҳамда Географик объектларни номлаш ва қайта номлаш масалалари бўйича вилоят комиссиясининг 2021 йил 17 майдаги (12-12/151-сон), 2021 йил 25 октябрдаги (12-12/305-сон) ҳамда 2021 йил 8 ноябрдаги (12-12/329-сон) йиғилиш баённомаларини инобатга олиб, халқ депутатлари вилоят Кенгашининг олтинчи чақириқ, эллик олтинчи сессияси

ҚАРОР  ҚИЛАДИ:

1. Қуйидагилар:

Булунғур туманидаги аҳоли пунктларининг номлари 1-иловага мувофиқ ўзгартирилсин.

Булунғур ва Пастдарғом туманларидаги аҳоли пунктларининг номлари 2-иловага мувофиқ тасдиқлансин.

2. Вилоят Маҳалла ва оилани қўллаб-қувватлаш бошқармаси (И.Жабборов), вилоят Статистика бошқармаси (Д.Мусинов), Давлат солиқ қўмитаси ҳузуридаги кадастр агентлигининг давлат кадастрлари палатаси вилоят бошқармаси (Б.Умаров), Булунғур (С.Астонов) ва Пастдарғом туманлари ҳокимликлари (Ш.Худойбердиев) мазкур қарорнинг 1-бандида кўрсатилган аҳоли пунктлари номларини белгиланган тартибда статистик ҳисоботларда акс эттирилишини ва иш юритиш ҳужжатларига ўзгартиришлар киритилишини таъминласин.
3. Вилоят Ички ишлар бошқармаси (Ш.Рахмонов), Булунғур (С.Астонов) ва Пастдарғом туманлари ҳокимликлари (Ш.Худойбердиев) номланган аҳоли пунктларига аҳолини рўйхатга қўйиш ҳамда тегишли йўл белгиларини ўзгартириш билан боғлиқ ташкилий ишларни амалга оширсин.
4. Давлат солиқ қўмитаси ҳузуридаги кадастр агентлигининг давлат кадастрлари палатаси вилоят бошқармаси (Б.Умаров), вилоят Қурилиш бош бошқармаси (Л.Ҳамидов), Булунғур (С.Астонов) ва Пастдарғом туманлари ҳокимликлари (Ш.Худойбердиев) биргаликда номланган аҳоли пунктларига белгиланган тартибда замонавий талаблар асосида пешлавҳа ва кўрсаткич белгиларини ўрнатилишини таъминласин.
5. Вилоят ҳокимлиги ахборот хизмати раҳбари – матбуот котиби (М.Мирзаев), вилоят ҳокимлиги ҳузуридаги “Ахборот-коммуникация технологияларини ривожлантириш маркази” МЧЖ (А.Анваров) мазкур қарорни “Зарафшон”, “Самаркандский вестник”, “Овози Самарқанд” газеталарида чоп этилишини ҳамда Lex.uz – Ўзбекистон Республикаси Қонун ҳужжатлари маълумотлари миллий базасига ва вилоят ҳокимлигининг расмий веб-сайтига ўрнатилган тартибда жойлаштирилишини таъминласин.

6.Мазкур қарорнинг бажарилишини назорат қилиш халқ депутатлари вилоят Кенгашининг Қонунийликни таъминлаш ва коррупцияга қарши курашиш масалалари бўйича доимий комиссияси (Ш.Джуракулов) ва вилоят ҳокимининг маънавий-маърифий ишлар самарадорлигини ошириш, давлат тили тўғрисидаги қонун ҳужжатларига риоя этилишини таъминлаш масалалари бўйича маслаҳатчиси (Ш.Темиров) зиммасига юклансин.

Кенгаш раиси                                                           Э. Турдимов

Самарканд  шаҳри, 2022 йил «08» февраль VI-56-14-7-0-K/22

Қарорни юклаб олиш (PDF 277 КБ)