Қуйидагилар бошқарманинг асосий вазифалари ҳисобланади:

- вилоят ҳудудида соғликни сақлаш соҳасидаги давлат сиёсатини амалга ошириш;

- фуқаролар саломатлигини муҳофаза қилиш соҳасидаги қонунчиликнинг бажарилишини таъминлаш;

- аҳолига тиббий ёрдам кўрсатишни ташкил килиш, тасарруфидаги ҳудудда оналик ва болаликни мухофаза қилишнинг самарали тизимини ташкил этиш;

- тасарруфидаги даволаш–профилактика муассасалари фаолиятини мувофиқлаштириб бориш, улар томонидан кўрсатиладиган тиббий хизматлар сифати, бюджет маблағларидан белгиланган мақсадда ва самарали фойдаланиш устидан назоратни амалга ошириш;

- профилактик соғликни сақлашни ривожлантириш, соғлом турмуш тарзини кенг оммалаштириш;

- соғликни сақлашни бошкаришнинг барча босқичида ахолига шошилинч тиббий ёрдам кўрсатиш тизимини ташкил қилиш ва мустаҳкамлаш;

- бозор тамойиллари ва механизимларини жорий этиш, мақсадли дастурларни амалга ошириш асосида соғликни сақлаш тизимини ислоҳ қилишни таъминлаш;

- соғликни сақлаш соҳасини техник қайта жиҳозлаш ва унинг моддий базасини ривожлантириш чора-тадбирларини амалга ошириш, ташхис қўйиш, беморларни даволаш ва соғломлаштиришга замонавий технологиялар ва техник воситаларини жорий этиш;

- тиббиёт ва фармацевтика ходимларини тайёрлаш, қайта тайёрлаш ҳамда уларнинг касбий даражасини ошириш чора-тадбирларини амалга ошириш;

- хусусий турдаги соғликни сақлаш тизимларини фаолиятини ривожлантиришга ва ташкил қилишга кўмаклашиш;

- хорижий инвестицияларни, халқаро ташкилотлар, жамғармалар ва жамоат ташкилотлари маблағларини соғликни сақлаш тизимига жалб этиш учун шарт-шароитлар яратиш.