Нодирбек Aбдусатторов...
Бу ном бутун дунёга машҳур бўлди.

Нарпай тумани "Иймон" маҳалласи Болғали қишлоғида туғилган ҳарбий Фазлиддин Очиловнинг фарзанди Нодирбек жаҳондаги мана-ман деган шахматчиларни ортда қолдириб, рапид бўйича жаҳон чемпионига айланди.

Бугун Нодирбек Aбдусатторов ота юрти Нарпайга келди. Дастлаб, бу ерда яшовчи бобо ва бувиси, қариндошлари билан дийдорлашди. Сўнг маҳалладаги ёшларга эришган ютуқлари, галдаги режалари ҳақида сўзлаб берди. Тенгдошларига мақсад сари интилиш ютуқлар гарови эканлигини айтди.

Сўнг тумандаги 13-сон болалар мусиқа ва санъат мактабида шахматга қизиқувчилар билан учрашди. Бира тўла 18 нафар рақиб билан дона суриб, "мастер-класс" ўтказди.

Вилоят ҳокимининг ўринбосари Рустам Қобилов, туман ҳокимининг ўринбосари Aбдуқаҳҳор Тожиев ва бошқалар чемпионни улкан ғалаба билан табриклади. Нодирбекка туман ҳокимлигининг қимматбаҳо совғалар топширилди.