Mamlakatimiz boʻylab tashkil etilgan “Yangi nafas” ommaviy yugurish marafoni Samarqandda ham yuqori saviyada oʻtkazildi.

“Buyuk Ipak yoʻli” xalqaro turizm markazida “Bir vatanda, bir vaqtda, bir masofaga, bir maqsadda — birga yuguramiz” shiori ostida tashkil etilgan marafonda 8 mingga yaqin sportsevar qatnashdi.

Erkaklar oʻrtasidagi bahsda ishtixonlik Siroj Ravshanov, qizlar bahsida pastdargʻomlik Zuhra Qurbonova finishga birinchi boʻlib yetib keldi.