Маълум қилганимиздек, айни кунларда Самарқанд вилояти делегацияси вакиллари икки томонлама ижтимоий-иқтисодий ҳамкорликни кучайтириш, янги лойиҳаларни амалга ошириш мақсадида Хитой Халқ Республикасида бўлиб турибди.

Ташрифнинг иккинчи кунида делегация раҳбари, вилоят ҳокимининг маҳаллий саноатни ривожлантириш масалалари бўйича ёрдамчиси Нозир Ибрагимов томонидан хитойлик инвесторларга Самарқанд вилоятининг инвестиция салоҳияти, туризм марказига айлантириш борасида олиб борилаётган ишлар, шунингдек, ҳудудда инвестиция муҳитни янада кучайтириш борасидаги ўзгаришларга бағишланган тақдимот ўтказилди.