Бугун раҳбарият ишончи ва топшириғи туфайли юртимизнинг бошқа ҳудудида иш фаолиятимни давом эттиришга тўғри келмоқда.

Етти йилга яқин Самарқандда ахборот хизмати, оммавий ахборот воситалари соҳасида ишлаб жуда катта мактабни кўрдим.

Самарқанд мен учун Ватан бўлди, бугун мен бу муқаддас заминга юрагимнинг бир парчаси билан ҳам боғландим. Устозлардан, раҳбарлар ва ҳамкасбларимдан тажриба ўргандим, биргаликда ҳамжиҳат ишладик. Бунинг учун барчангизга миннатдорлик билдираман!

Мен қаерда ишласам ҳам Сурхондарё билан бирга Самарқанднинг ҳам фарзанди бўлиб қоламан ва ҳаётнинг қувонч, ташвишларида тоблаган бу юртга ҳамиша таъзимдаман!