Бугун Самарқанд шаҳридаги Ватанпарвар боғида вилоят ҳокими Эркинжон Турдимовнинг навбатдаги сайёр қабули ўтказилди. 

Сайёр қабулда фуқароларни вилоят сектор раҳбарлари билан бирга 53 та вилоят ташкилотлари ҳамда 7 та туман (шаҳар) ҳокимликлари ҳам қабул қилишди.

Қабул давомида 1085 нафар фуқаролар ўзларини қийнаб келаётган 2730 та муаммолари, таклиф ва мулоҳазаларини билдиришди.

Барча масалаларга вилоят ҳокимлиги томонидан масъуллар бириктирилиб, бир ҳафталик муддат билан ижроси назоратга олинди. Қабулда энг кўп Самарқанд шаҳри, Пастдарғом, Пайариқ ва Самарқанд туманларининг фуқаролари қатнашишди.