Самарқанд вилояти ҳокимлиги w w w . s a m a r k a n d . u z

Вилоят ҳокими Пайариқ туманининг Навбаҳор маҳалласини ўрганди

Вилоят ҳокими Пайариқ туманининг Навбаҳор маҳалласини ўрганди

Самарқанд вилоятидаги олис маҳаллалар инфратузилмасини яхшилаш, аҳоли учун муносиб турмуш шароити яратиш борасида кенг кўламли ишлар амалга оширилмоқда. 

Жумладан, айни пайтда бу жараён Пайариқ туманининг Навбаҳор маҳалласида давом этмоқда.

Бугун Самарқанд вилояти ҳокими Э.Турдимов бу жараёнлар билан танишиб, аҳоли билан суҳбатлашди. Уларни қийнаб келаётган муаммо ва камчиликларни эшитди.

Маҳалланинг Бешкапа, Киндикли, Туёқли, Абдурахмон ва Кўктепа қишлоқларининг уч километрдан ортиқ тупроқ кўчаларига шағал тўшалди. Электр энергияси таъминотидаги узилишларнинг олдини олиш ва аҳолини барқарор электр билан таъминлаш мақсадида 141 дона бетон устун ўрнатиш бошланмоқда. Тўртта эски трансформатор янгисига алмаштирилмоқда.

Олти қишлоқдаги аҳолига қўшимча юз донадан ортиқ маиший газ балон тарқатилди.

Кўктепа қишлоғидаги сув иншоотини таъмирлаш ишларига киришилди. Шу пайтгача алоқа ва интернет тармоғи муаммо бўлган навбаҳорликлар энди бу масалада қийнайлмайди. Киндикли ва Бешкапа қишлоқларига оптик толали тармоқ тортилиб, аҳоли интернетга уланмоқда.

Уч кундан буён 3800 дан ортиқ маҳалла аҳолиси вилоят соғлиқни сақлаш бошқармаси мобил гуруҳи томонидан чуқурлаштирилган тиббий кўрикдан ўтказилмоқда.

Ҳудудда амалга оширилаётган бунёдкорлик, ободонлаштириш ишлари жараёнида маҳалла биносини таъмирлаш ва жиҳозлаш бўйича ҳам ишлар олиб борилмоқда.


Киритилган вақти: 03/12/2022 12:29.   Кўрилганлиги: 659
 
Материал манзили: https://samarkand.uz/uz/press/news/viloyat-hokimi-payariq-tumanining-navbahor-mahallasini-organdi

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 2
Меҳмонлар: 9

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.