Ўн тўрт ёшли шахматчи қизимиз Афруза Ҳамдамова Италияда бўлиб ўтган ёшлар ўртасидаги чемпионатда мамлакатимиз тарихида биринчи бор жаҳон чемпиони бўлди!

Бугун вилоят ҳокимлигида чемпион билан учрашув ўтказилди. Вилоят ҳокими Афруза ва унинг оила аъзоларига миннатдорлик билдириб, қизимизнинг чемпион бўлганлиги кўплаб ёшларимизга мотивация беришини ҳамда юртимизда спортнинг шахмат тури янада ривожланишига ўзига хос туртки вазифасини ўташини таъкидлади.

Маълумот учун, Афруза Ҳамдамова бугунги кунда Самарқанд шаҳридаги 42-умумий ўрта таълим мактабининг 8-синфида таҳсил олмоқда.