Forum ishida viloyat hokimi Erkinjon Turdimov o`z ma`ruzasi bilan ishtirok etib, oliy darajadagi tashriflar davomida erishilgan kelishuvlarning birgalikda amalga oshirilishi natijasida bugungi kunda ko`p qirrali O`zbekiston-Xitoy hamkorligi izchil rivojlanib, aniq va boy mazmunga ega bo`layotganligini ta`kidlab o`tdi. Shuningdek, mavjud imkoniyatlardan kelib chiqib, yashil energetika, elektrotexnika, farmatsevtika, qishloq xo`jaligi, oziq-ovqat, ilm-fan, metallurgiya, qurilish, turizm va boshqa sohalarda hamkorlik aloqalarini yanada yaxshilash ikki mintaqa ishbilarmon doira vakillari va tadbirkorlari oldida turgan dolzarb masala ekanligini bildirdi.

Uchrashuv, savol-javoblarga hamda qizg`in bahs va munozaralarga boy tarzda o`tib, yakunda qator kelishuvlarga erishildi.