Самарқанд вилояти ҳокимлиги w w w . s a m a r k a n d . u z

Сайёр қабул – халқ билан очиқ ва фаол мулоқот

Сайёр қабул – халқ билан очиқ ва фаол мулоқот

Ҳозирда, инсон манфаатларини таъминлаш учун аввало, одамлар билан, халқ билан мулоқот қилиш, уларнинг дарду ташвишлари, орзу-ниятлари, ҳаётий муаммо ва эҳтиёжларини яхши билиш кераклигига алоҳида урғу берилмоқда. 

Юртимизда ҳалқ билан фаол ва очиқ мулоқот олиб бориш уларнинг фаровон, бахтли ҳаёт кечириши учун муносиб шарт-шароит яратишдан иборат. Айнан шу мақсадда бугун вилоят ҳокими бошчилигида вилоят сектор раҳбарлари ва ташкилот раҳбарлари иштирокида Каттақўрғон туманидаги “Ёшлик истироҳат боғи”да навбатдаги сайёр қабул ўтказилди.

Сайёр қабулда вилоятимизнинг Тойлоқ туманидан ташқари барча туманлар ва шаҳарларидан фуқаролар ўз мурожаатлари, муаммолари билан қатнашишди.

Каттақўрғонда ўтказилган бу галги қабулда фуқаролар томонидан асосан уй-жой билан таъминлаш, алимент пулини ундириш, соғлиқни сақлаш, бандликни таъминлаш соҳалари бўйича муаммолар билдирилди.

Олти соатдан ортиқ давом этган қабулда 891 нафар фуқаро ўзларини қийнаётган 1500 дан ортиқ муаммолари билан мурожаат қилишди. Ҳар бир мурожаат вилоят ҳокимлиги томонидан онлайн тизимда рўйхатга олиниб, атрофлича муҳокама этилди. Ҳар бир масала ижросига тегишлилиги бўйича масъуллар бириктирилди.

Қабул сўнгида бир ҳафтадан сўнг дастлабки натижалар вилоят ҳокимлигида муҳокама этилиши белгиланди.


Киритилган вақти: 09/06/2022 17:58.   Кўрилганлиги: 266
 
Материал манзили: https://samarkand.uz/uz/press/news/sayyor-qabul-xalq-bilan-ochiq-va-faol-muloqot

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 2
Меҳмонлар: 3

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.