Президентимизнинг вилоятимизга ташрифи чоғида берган топшириғига асосан

2021 йилда Самарқанд, Пахтачи, Нуробод, Каттақўрғон, Жомбой ва Қўшработ туманларида 10 та лойиҳа доирасида тери ва жунни қайта ишлаш, гранулали омухта ем ишлаб чиқариш ва бўрдоқичилик комплекслари ташкил этилади. Бунда 1,1 минг тонна жун, 45 минг дона тери ва 900 тонна гўшт етиштириш ҳамда 3,9 миллион долларлик қоракўлчилик маҳсулотлари экспорт қилинади. Натижада соҳада 11 мингта иш ўрни яратилади.

Шунингдек, вилоятимизда балиқ етиштиришни ўтган йилдаги 20 минг тоннадан 2021 йилда 30 минг тоннага етказилади. 29 минг гектарда сув тежовчи технологияларни, жумладан, 20 минг гектар майдонда томчилатиб суғоришни жорий қилиш ҳисобига 500 миллион метр куб сувни тежаш имконияти яратилади.