Самарқандда шаҳар ва туман ҳокимларининг ўринбосарлари, ташкилий-кадрлар гуруҳи раҳбарлари ҳамда миллий кадрлар захирасига киритилган номзодлар учун ўқув-амалий семинар ўтказилмоқда.

Жорий йил 2-5 декабрь кунлари ўтказилиши белгиланган ўқув-семинарнинг мақсади ҳудудда маҳаллий давлат бошқаруви ва аҳоли билан ишлашни самарали ташкил этиш учун талаб этиладиган билим ва кўникмаларни ривожлантиришдан иборат.

Ўқув-амалий семинарнинг очилишида сўзга чиққанлар ушбу ўқув-амалий семинар иштирокчилари учун нечоғлик муҳимлиги ва улар ушбу имкониятлардан тўғри фойдаланиб, билим ва малакаларини янада мустаҳкамлашларини таъкидладилар.

Семинарга республикамиздаги олий ўқув юртлари ректорлари, профессор-ўқитувчилар ва тажрибали мутахассислар жалб этилиб, йўналишлар бўйича амалга оширилаётган ишлар, аҳоли муаммоларини ҳал этишда эътибор қаратилиши зарур бўлган жиҳатлар ҳақида тушунчалар беришади.